काठमाडौं – पद्मकन्या बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचन नजिकिँदै गर्दा अध्यक्ष पदका लागि रबिना सथसंकरले उम्मेदवारी घोषणा गरेकी छन्। विद्यार्थी राजनीतिमा सक्रिय भूमिका खेल्दै आएकी सथसंकरले क्याम्पसका विद्यार्थीहरूका हकहितका लागि आफू प्रतिबद्ध रहेको बताएकी छन्।
उनले क्याम्पसमा गुणस्तरीय शिक्षाको अभाव, विद्यार्थीहरूका समस्या, पुस्तकालय तथा प्रयोगशालाको अभाव जस्ता मुद्दामा आफ्नो प्राथमिकता रहने बताइन्। साथै, महिला शिक्षालाई प्रवर्द्धन गर्ने, शैक्षिक वातावरण सुधार गर्ने र क्याम्पसमा पारदर्शी व्यवस्थापन सुनिश्चित गर्ने उनको मुख्य एजेन्डा रहेको छ।
स्ववियु निर्वाचनले क्याम्पसको नेतृत्व चयन गर्ने महत्त्वपूर्ण अवसर प्रदान गर्ने भएकाले विद्यार्थीहरूमा चुनावप्रति उत्साह बढेको छ। आगामी निर्वाचनमा सथसंकरको उम्मेदवारी कति प्रभावकारी हुन्छ भन्ने हेर्न बाँकी छ।
बिज्ञापन
बिज्ञापन
